Instituti Italian i Kulturës ka kënaqësinë të mbështesë Festivalin “Ekrani i Artit” – Edicioni i V, i organizuar nga Art House, i cili do të mbahet në Shkodër nga 18 deri më 22 qershor 2025 me shfaqje filmash dhe dokumentarësh, takime dhe shfaqje muzikore. Gjatë festivalit do të ftohen personalitete të ndryshme nga bota e artit shqiptar dhe italian, duke i afruar vendet përmes kontributit të artit dhe kulturës.
Ekrani i Artit organizohet nga Art House Shkoder, e themeluar nga Adrian dhe Melisa Paci Home – Art House
Instituti mbështet këtë edicion me pjesëmarrjen e Masbedo (Iacopo Bedogni & Nicolò Massazza HOME · MASBEDO), Valentina Furian, artiste dhe Giorgio Andreotta Caló, artist.
MASBEDO: duo artistike e lindur në vitin 1999, e formuar nga Nicolò Massazza (1973) dhe Iacopo Bedogni (1970).
Puna e tyre është një përzierje dhe eksplorim i pasur i gjuhëve të ndryshme artistike: dizajn zanor, tekst avangardë, performancë, video, instalacione dhe kinema. Ata i qasen marrëdhënies midis kinemasë dhe artit me një mënyrë të privilegjuar hulumtimi, i cili synon t’i japë rëndësi si elementëve socio-antropologjikë, ashtu edhe atyre më intimë dhe poetikë. Ndër koleksionet e tyre të fundit kujtojmë: Ritratto di città pranë Museo del Novecento di Milano nel 2024, MASBEDO – For Beauty is just the beginning of terror pranë Museu Nacional d’Art de Catalunya a Barcellona nel 2019 e The Art of Memory pranë MAMM Multimedia Art Museum di Mosca nel 2018.
Valentina Furian: është një artiste vizuale e specializuar në imazhe lëvizëse dhe instalacione kohore. Puna e saj synon të hetojë kufirin mes realitetit dhe trillimit duke përdorur një qasje kinematografike që bashkohet me eksperimentimin dokumentar dhe trillimin narrativ. Ndër objektivat e kërkimit të saj artistik është ai i eksplorimit të marrëdhënieve ndërspecifike midis njerëzve dhe botës natyrore. Në qendër është eksploruar si historia e njeriut ashtu edhe ajo e kafshëve. Me filmat, fotografinë dhe performancat e saj, Furian na shoqëron në rizbulimin e gjendjes primordiale të qenies që rilidh ekzistencën njerëzore me rrënjët e saj. Në vitin 2025 ishte pjesë e programit kryesor të ArtCity për Muzeun e Artit Modern në Bolonjë. Në vitin 2024 ajo përuroi ekspozitën e saj personale “Notti Bianche“, në XNL, Piacenza. Dy filmat e saj të fundit “Ciacco” dhe “Centauro” u prezantuan përkatësisht në Cinema Underground dhe Teatrino di Palazzo Grassi në Venecia. Në të njëjtin vit, ajo mori pjesë gjithashtu në Bienalen Gherdëina dhe fitoi Çmimin e Nju Jorkut me ISCP – International Studio & Curatorial Program, New York (USA).
Giorgio Andreotta Caló: është një artist italian i lindur në Venecia në vitin 1979. Ai u formua në Itali, ku studioi skulpturë pranë Akademisë së Arteve të Bukura në Venecia dhe në Gjermani pranë Kunsthochschule në Berlin. Pas studimeve, u zhvendos në Holandë ku nga viti 2009 deri në vitin 2011 ishte artist rezident në Rijksakademie van Beeldende Kunsten në Amsterdam. Midis viteve 2012 dhe 2013, ishte rezident në Francë pranë Centre National d’Art Contemporain di Villa Arson në Nicë. Në vitin 2012, u vlerësua me Çmimin MAXXI për instalacionin e tij Prima che sia notte, ndërsa në vitin 2014 mori Çmimin e Nju Jorkut, të dhënë nga Ministria e Punëve të Jashtme. Në vitin 2017, ishte një nga tre artistët e ftuar nga Cecilia Alemani për të ekspozuar në Pavijonin Italian të Ekspozitës së 57-të Ndërkombëtare të Artit në Venecia, për të cilën krijoi instalacionin Senza Titolo (La fine del mondo). Në vitin 2019, Hangar Bicocca priti ekspozitën e tij personale CittàdiMilano, të kuruar nga Roberta Tenconi.
Për programin e festivalit klikoni këtu