Instituti Italian i Kulturës, në bashkëpunim me Konsullatën e Përgjithshme të Italisë në Vlorë dhe institucionet vendore – mes syresh Qendrën Muzeore të Durrësit, Bashkinë e Durrësit dhe Teatrin “Aleksandër Moisiu”, Bashkinë e Fierit dhe Teatrin e qytetit, Bashkinë e Vlorës dhe Teatrin “Petro Marko” – ka kënaqësinë të prezantojë koncertin e Orkestrës Rinore të Magna Grecia – Qyteti i Tarantos me titull “Energjia e notave”.
Programi:
- Donizetti nga Don Pasquale Aria di Norina “Quel guardo il Cavaliere So anch’io la virtù magica”
- Puccini nga Boheme “Quando m’en vò”
- Puccini nga Gianni Schicchi “O mio babbino caro”
- Gastaldon Musica probita”
C.Gounod nga Romeo & Juliet “Je veux vivre”
- Verdi Marcia Trionfale
- Williams Raider’s March
- Bizet Preludio I atto da Carnen
- Zimmer Pirata dei Caraibi
Piero Romano, drejtues orkestre
Gloria Giurgolo, soprano
Orkestra lindi në vitin 2020 në bashkëpunim me Bashkinë e Tarantos, me qëllim promovimin dhe vlerësimin e talentit muzikor, duke nxitur pjesëmarrjen e gjeneratave të reja të studentëve muzikantë nga Pulia e më gjerë.
Ajo ofron një rrugëtim didaktik praktik dhe operativ që synon integrimin në shfaqjet e drejtpërdrejta dhe lehtësimin e hyrjes në botën e punës, duke përdorur bashkëpunimin me solistë dhe dirigjentë me famë kombëtare dhe ndërkombëtare.
OGMGCT (Orkestra Rinore e Magna Grecia – Qyteti i Tarantos) përbëhet nga të rinj të moshës midis 14 dhe 25 vjeç, të cilët vijnë kryesisht nga Pulia dhe rajonet fqinje. Përzgjedhja e studentëve bëhet përmes audicioneve vjetore, gjatë të cilave kandidatët mund të demonstrojnë aftësitë e tyre teknike dhe muzikore.
Gjithashtu, i rëndësishëm është edhe ndikimi socio-kulturor i Orkestrës, e cila kontribuon në luftimin e braktisjes së shkollës duke ofruar një mundësi të madhe rritjeje dhe rikualifikimi për territorin. Puna e Orkestrës është një dëshmi e qartë se si muzika mund të jetë një instrument zhvillimi dhe kohezioni, i aftë për të frymëzuar gjeneratat e reja drejt vlerësimit të trashëgimisë artistike lokale dhe kombëtare.
18.09.2026 ora 19:00
Amfiteatro Romak, Durrës
19.09.2026 ora 19:00
Teatri i Qytetit Fier
20.09.2026 ora 19:00
Teatri Petro Marko Vlorë