Instituti Italian i Kulturës së Tiranës ka kënaqësinë të prezantojë një talent të muzikës Jazz me rastin e Pre DAM Festival 2024, saksofonistin Francesco Bearzatti në shoqërinë e kuartetit të tij Tinissima me Giovanni Falzone në trumpë, Danilo Gallo në kitarë bas. dhe Zeno De Rossi në bateri.
Xhazi është muzika e çlirimit, e qëndresës ndaj padrejtësisë, e romancës dhe e aventurës, ndonjëherë edhe e konfliktit. Identiteti i tij i vërtetë ka qenë gjithmonë i dyfishtë dhe jo një i vetëm. Përafërsisht në të njëjtën kohë që xhazi i hershëm e mbante publikun entuziast, lexuesit mbesnin pa frymë nga aventurat e një njeriu të maskuar të quajtur Zorro, i cili ishte thirrur nga errësira e shtypjes për të rregulluar gjërat, duke lënë çdo herë shenjën e tij dalluese në mur. Në njëqindvjetorin e krijimit të Zorro-s, saksofonisti Francesco Bearzatti dhe kuarteti i tij Tinissima prezantojnë prurjen më të fundit të CAM JAZZ në panoramën e gjerë dhe spektakolare të xhazit. Zorro është një suitë përrallore në të cilën gjejnë vendin e tyre tema të shkëlqyera kinematografike, interluda romantike, peizazhe të gjera dhe ndjekje befasuese. Nëse klisheja e xhazit si një përvojë kinematografike ka pasur ndonjëherë ndonjë kuptim, ky është ai. Së bashku me Giovanni Falzone në trompë, Danilo Gallo në bas dhe Zeno De Rossi në bateri, saksofonisti, i cili dikur deklaroi, duke cituar Woody Guthrie, “this machine kills fascists”, rivendos një lidhje mes xhazit dhe ndreqjes së padrejtësive. Por Zorro nuk është një mësim politik, por përkundrazi një udhëtim i këndshëm dhe jashtëzakonisht prekës përmes një peizazhi të ngjashëm me ëndrrat që ne të gjithë i ndajmë fshehtas. Dhe mos harroni se “xhazi” nuk përfundon me një, por me dy “z”, të konfiguruara me një lëvizje të shpejtë të dorës… (Brian Morton) Zorro u regjistrua dhe u miksua në shkurt 2019 nga Stefano Amerio pranë studiove Artesuono në Cavalicco. me produksion artistik të Ermanno Basso. Masteringu u realizuar nga Danilo Rossi.
Koncerti do të jetë me datë 29.08.2024, në ora 20:00, në Pallatin e Rinisë dhe Sporteve në Prishtinë. Hyrja e lirë.