Ambasada e Italisë, Instituti Italian i Kulturës dhe Departamenti i Italishtes pranë Fakultetit të Gjuhëve të Huaja të Universitetit të Tiranës kanë kënaqësinë të njoftojnë nisjen e konkursit të shkrimit krijues “Italia dhe Shqipëria: një lidhje në rritje” drejtuar studentëve shqiptarë që studiojnë gjuhën italiane.
Studentët ftohen të shkruajnë një histori që eksploron marrëdhëniet mes Italisë dhe Shqipërisë, duke shprehur vizionin e tyre personal mbi tema që variojnë nga historia tek përvojat e përditshme, nga marrëdhëniet familjare tek mundësitë profesionale që ofron italishtja.
Kush mund të marrë pjesë: Studentë shqiptarë që studiojnë italishten si gjuhë të huaj
Afati i fundit: 05.03.2025
e-mail për dërgim: daniela.silvano@esteri.it