Tre tenorët Francesco Malapena, Kastriot Tusha dhe Aranit Hoxha, artistë me famë ndërkombëtare, do të jenë së bashku në koncert në Festën e Luleve në qytetin e bukur të Shkodrës. Shoqëruar nga Orkestra e Re Filarmonike dhe nën drejtimin e M° Eno Koço, me të ftuar specialë Genc Tukiçi-piano, Ramona Tullumani -soprano dhe Lorenc Radovani – violinë, tenorët do të ofrojnë një program të pasur me pjesë të njohura shqiptare dhe italiane, si Overture, Il Barbiere di Seviglia, Torna Surriento, Un amore così grande, O sole mio, Maruzella, O surdat namurate, Funi culi funi cula dhe La donna è mobile.