Instituti Italian i Kulturës në bashkëpunim me Ambasadën Italiane në Tiranë dhe Teatrin e Operas dhe Baletit në Tiranë, ka kënaqësinë të prezantojë duon muzikore Gesualdo Classic, me rastin e Javës Italiane.
Me Roberto Zamuner në violinë dhe Nicole Brancale në piano, ata do të performojnë duke na përfshirë në një performancë të shkëlqyer të muzikës klasike.
Riccardo Zamuner, violinist napolitan, ftohet rregullisht të performojë në institucionet më prestigjioze italiane dhe ndërkombëtare të koncerteve, duke përfshirë Filarmoninë e Berlinit, Sallën Qendrore të Koncerteve në Astana, Shtëpinë e Operës Mbretërore të Omanit, Accademia Chigiana në Siena dhe Muzeun e Violinës së Kremonës. Në pranverën e vitit 2021 ai regjistroi CD-në e tij të parë në duo me pianistin Emanuele Delucchi, për CIDIM dhe SUONARE RECORDS. Që nga viti 2022, mban rolin e violinës së parë dhe koncertmaster i orkestrës Accademia di Santa Sofia.
Nicole Brancale ka interpretuar në salla dhe teatro të ndryshme në Itali dhe jashtë saj: Gjermani, Zvicër, Belgjikë, Rumani dhe Greqi, si soliste, si dhe me orkestra italiane dhe të huaja. Ajo u përsos dhe studioi me interpretues dhe mësues të mirënjohur si Francois Joel Thiollier, N. Frisardi, Alphons Kontarsky, Marisa Somma, Aquiles Delle Vigne, Paul Badura Skoda, Aldo Ciccolini, Piero Rattalino dhe Pasquale Iannone, duke marrë gjithmonë vlerësime të bujshme. Aktualisht jep mësime piano pranë Konservatorit “Gesualdo da Venosa” në Potenza.
Eventi do të zhvillohet më datë 06.03.2024 në orën 19.00, në Sallën e Operës së Teatrit të Operës dhe Baletit në Tiranë.