Instituti Italian i Kulturës ka kënaqësinë të mbështesë edicionin e XIX të Festivalit të Muzikës së Dhomës në Durrës, me pjesëmarrjen e Duos së formuar nga Bruno Canino dhe Alessio Bidoli.
Alessio Bidoli në violinë dhe Bruno Canino në piano do të performojnë për të na dhuruar një mbrëmje kushtuar muzikës së kompozitorëve të mëdhenj klasikë.
Alessio Bidoli filloi studimet për violinë në moshën shtatë vjeçare dhe në vitin 2006 u diplomua me rezultate të shkëlqyera në Konservatorin “Giuseppe Verdi” në Milano. Si solist ai interpretoi në sezonin koncertistik prestigjioz italian dhe në vitin 2015, së bashku me Vittorio Sgarbin, ishte protagonist i projektit teatror për imazhe dhe tinguj Barok. Aktualisht është drejtor artistik i Festivalit Musica në Corte di Crema dhe Villa Mirabella Classica në Milano. Ka marrë pjesë në programe të ndryshme radiofonike, duke përfshirë Radio France, NDR KULTUR, Radio Italiane Zvicerane, RAI Radio 3, Radio Vatikani dhe Radio 4. Deri më sot mban karrigen e violinës në “N. Piccini” të Barit.
I lindur në Napoli, Bruno Canino studioi piano dhe kompozim në Konservatorin “Giuseppe Verdi” në Milano. Më pas, ai dha mësim për piano dhe muzikë dhome në Konservatorin e Bernës për dhjetë vjet. Për momentin jep muzikë dhome me piano në shkollën e muzikës Fiesole. Si solist dhe pianist dhome, ka performuar në salla koncertesh dhe festivale të mëdha në Evropë, Amerikë, Australi, Rusi, Japoni dhe Kinë. Ka bashkëpunuar me muzikantë të mëdhenj si I. Perlman, L. Harrell, S. Accardo, V. Mullova dhe U. Ughi, si dhe ka interpretuar me orkestra të rëndësishme si Filarmonica della Scala, Orkestra e Accademia Nazionale di Santa Cecilia, Filarmonia e Berlinit dhe Orkestra Filarmonike e Nju Jorkut. Canino mban rregullisht kurse masterklasi për piano solo dhe muzikë dhome në Itali, Gjermani, Spanjë, Japoni dhe shpesh është pjesë e jurisë së pianistëve të mëdhenj ndërkombëtarë.
Programi:
Wolfgang Amadeus Mozart (1756 – 1791)
Sonata per violino e pianoforte n. 17 in do maggiore, К 296
Allegro vivace
Andante sostenuto
Rondò. Allegro
Camille Saint-Saëns (1835-1921)
Sonata in re minore per violino e pianoforte n. 1, op. 75
Allegro agitato
Adagio
Allegretto moderato
Allegro molto
***
Johannes Brahms (1833-1897)
Sonata in re minore per violino e pianoforte n. 3, op. 108
Allegro
Adagio
Un poco presto e con sentimento
Presto agitato
Camillo Sivori (1815-1894)
Fantasia su temi tratti da “Un Ballo in Maschera” di Verdi op. 19
Eventi do të zhvillohet më 14.07.2024 në orën 19.30 në Katedralen “Santa Caterina” në Durrës – Hyrja e lirë.