Takime në Bibliotekë – Klubi i kinemasë në IIC
Udhëtoj e vetme nga Maria Sole Tognazzi
Dramë |85’ | Itali 2013
Më titra në anglisht
Me Margherita Buy, Stefano Accorsi, Fabrizia Sacchi, Gianmarco Tognazzi, Alessia Barela, Lesley Manville, Carolina Signore, Diletta Gradia
Irene (Margherita Buy) është mbi të dyzetat, pa bashkëshort, pa fëmijë dhe me një punë që është ëndrra e shumë njerëzve: Irene është “mysafiri i befasishëm”, klienti i frikshëm inkonjito i cili shënon, vlerëson dhe gjykon standardet e hoteleve luksoze. Çdo harresë apo keqkuptim shënohet: është një pikë më pak. Do ta shohim atë gjatë filmit të bëjë inspektimin e saj të përpiktë në hotele të ndryshme: në borën e Alpeve, në qytetet e mëdha evropiane, në Afrikë. Përveç punës, në jetën e saj ka motrën Silvia, e martuar me fëmijë, e çorientuar dhe gjithmonë në lëvizje si dhe ish-të dashurin Andrea. Irene nuk ka dëshirë për stabilitet, ajo ndihet e lirë, e privilegjuar. Por a është e vërtetë liria e saj? Diçka do të vendosë në diskutim këtë siguri.