Për të vepruar me strategji në urbanistikë, arkitektura duhet të përcaktojë modelet. Të krijosh një model do të thotë të gjesh koherencën midis disa kombinimeve dhe pozicioneve fikse. Workshop-i ka për qëllim të ndërtojë një model imazhi nga një ndërtesë ekzistuese në qytet dhe të projektojë modelin e ri të bazuar në tipe ekzistues nëpërmjet një serie manipulimesh dhe transformimesh të cilësive të tyre formale e funksionale, me qëllimin për t’i zbuluar si një projekt për qytetin.
Arkitekt Luca Galofaro, është profesor i asociuar në Universitetin e Camerino-s, Shkolla e arkitekturës dhe design-it në Ascoli Piceno. Ndër themeluesit e studios IaN+, me të cilën ka marrë pjesë në ekspozita të rëndësishme ndërkombëtare, ndër to edhe edicionet e ndryshme të Bienales së Venezia-s. Ka fituar Medaljen e Artë të Trienales së Milano-s për veprën e parë më të mirë (2006) dhe ka qenë njëri nga finalistët e Aga Khan Award të vitit 2013. Ka dhënë lëndën Urban Design në UCL – The Bartlett School of Architecture në Londër si edhe ka qenë Visiting Professor në Ecole Spéciale d’Architecture në Paris e në Cornell University. Bashkëpunon me revistat “Arte e Critica” dhe “Divisare”, është autori i blogjeve The Booklist (www.the-booklist.com) e The Imagelist (www.the-imagelist.com). Në vitin 2015 është botuar libri An Atlas of Imagination i cili, në vitin 2016 është bërë ekspozitë. Një përzgjedhje e Atlasit të imagjinatës bëhet pjesë e koleksionit të Frac Center të Orléans. Në vitin 2016 themelon studion LGSMA