Instituti Italian i Kulturës në Tiranë, në bashkëpunim me Fakultetin e Arkitekturës të Universitetit Epoka, ka kënaqësinë të prezantojë Open Lecture te Prof. Orazio Carpenzano, Dekan i Fakultetit të Arkitekturës së Universitetit Sapienza në Romë “Architectural Rêveries”.
Orazio Carpenzano
Profesor i Dizajnit Arkitektonik në Fakultetin e Arkitekturës të Universitetit Sapienza në Romë. Dekan i Fakultetit të Arkitekturës, Drejtor i Shkollës Doktorale në Shkencat Arkitekturore dhe Koordinator i Doktoraturës në Arkitekturë – Teori dhe Dizajn. Më parë, Drejtor i Departamentit të Arkitekturës dhe Dizajnit (2016–2020).
Ka marrë pjesë në konkurse arkitekturore duke fituar disa çmime dhe vlerësime. Projektet dhe shkrimet e tij janë botuar në revista dhe botime kombëtare dhe ndërkombëtare. Ndër veprat më të fundit janë Corso Trento e Trieste në Lanciano, Piazza delle Pietre d’Italia në Redipuglia dhe Muzeu Federico Fellini në Rimini, aktualisht në ndërtim e sipër.
Përveç kërkimit të tij në dizajnin urban, i përqendruar kryesisht në kushtet bashkëkohore urbane, ai ka zhvilluar hetime komplekse dhe origjinale në kufirin mes arkitekturës, artit dhe teknologjive të reja. Carpenzano është autor i mbi njëqind eseve mbi teoritë dhe teknikat e dizajnit arkitektonik dhe urban. Përveç një aktiviteti intensiv editorial për organe dhe institucione publike, kuron ekspozita dhe konferenca mbi arkitekturën në nivel kombëtar dhe ndërkombëtar.
Architectural Rêveries
Projektet e paraqitura ilustrojnë strategjitë bashkëkohore të integrimit midis kujtesës historike, restaurimit arkitektonik dhe riinterpretimit krijues.
Memoriali i Shtëpisë së Armatës së Tretë, i konceptuar në kontekstin e 100-vjetorit të Luftës së Madhe në Itali, është pjesë e një iniciative më të gjerë qeveritare që synon përmirësimin e vendeve të kujtesës ushtarake. Projekti ndërthur një ndërhyrje të kujdesshme restaurimi me një koncept inovativ, duke përdorur riciklimin arkitektonik për të kapërcyer hendekun midis abstraksionit retorik dhe imponues të mauzoleut ushtarake dhe dimensionit të thejshtë të shtëpisë së transformuar në një memorial. Përmes futjes së “fragmenteve” të dallueshme arkitekturore – Sheshi, Portali, Muri, Korridori dhe Bodrumi – projekti krijon një dialog krijues me strukturat ekzistuese, duke i dhënë jetë një palimpsesti arkeologjik bashkëkohor që pasuron rrëfimet e së kaluarës me kuptime të reja.
Muzeu Ndërkombëtar Federico Fellini në Rimini eksploron gjithashtu bashkëveprimin midis kujtesës, imagjinatës dhe hapësirës. I projektuar nga Orazio Carpenzano së bashku me një ekip ndërdisiplinor që përfshin Gruppo Lumiere dhe Studio Azzurro, muzeu bazohet në konceptin e një “muzeu të shpërndarë” – një hapësirë aktive dhe përjetuese në të cilën vizitori merr role alternative të aktorit dhe regjisorit. Duke përfshirë vende ikonike urbane si Castel Sismondo, Piazza Malatesta, Piazzetta San Martino dhe Cinema Fulgor, projekti integron restaurimin dhe transformimin për të krijuar rrëfime multimediale gjithëpërfshirëse. Çdo vendndodhje përbën një kapitull në një narrativë më të gjerë, duke evokuar proceset e vazhdueshme, por të fragmentuara të kujtesës që janë në zemër të imagjinatës krijuese të Fellinit.
Të dy projektet shprehin qasje inovative ndaj arkitekturës si ndërmjetëse mes kujtesës, historisë dhe përvojës bashkëkohore, duke treguar se si dizajni mund të riinterpretojë dhe rigjallërojë në mënyrë aktive narrativat kulturore.