Përzgjedhje kombëtare për 10 rezidenca artistike të destinuara për xhazistë italianë të moshës mes 18 dhe 40 vjeç që do të zhvillohen jashtë shtetit për 4 javë në vitin 2027, falë kontributit financiar të SIAE – Shoqëria Italiane e Autorëve dhe Botuesve – patronazhit dhe mirëpritjes së Instituteve Italiane të Kulturës, Ambasadave dhe Konsullatave dhe bashkëpunimit të EJN.
“AIR – Artisti in residenza” është një projekt i ideuar nga MIDJ – Shoqata e Muzikantëve Italianë të Xhazit, i realizuar me mbështetjen e SIAE – Shoqëria Italiane e Autorëve dhe Botuesve dhe me bashkëpunimin e Ministrisë së Punëve të Jashtme dhe Bashkëpunimit Ndërkombëtar. Edhe falë pjesëmarrjes së Europe Jazz Network, nisma ka si qëllim të promovojë xhazin italian jashtë shtetit përmes krijimit të një rrjeti diplomatik – konsullor të Farnesina-s dhe Instituteve Italiane të Kulturës në botë.
Arritur në edicionin e tij të katërt, projekti u mundëson muzikantëve të përzgjedhur të kalojnë një periudhë në një vend të huaj për të realizuar projektin e tyre artistik, në bindjen se përvoja ndërkombëtare përfaqëson një instrument themelor pasurimi të rrugëtimit formues të talenteve të reja.
Kandidaturat duhet të mbërrijnë pa përjashtim brenda orës 23:59 të së MËRKURËS 15 KORRIK 2026 dhe do të shqyrtohen nga pesë Komisione të zgjedhura nga Bordi Drejtues i MIDJ.
