Takime në Bibliotekë – Cineclub i IIC
Vajza e liqenit di Andrea Molaioli
Dramë |95’ | Itali 2006
Me Toni Servillo, Nello Mascia, Marco Baliani, Giulia Michelini, Fausto Sciarappa, Denis Fasolo, Franco Ravera, Sara D’Amario, Heidi Caldart, Alessia Piovan, Nicole Perrone, Enrico Cavallero, Anna Bonaiuto, Omero Antonutti, Fabrizio Gifuni, Valeria Golino
Është ora tetë në mëngjes kur Marta, duke ngrënë një petull, kthehet në shtëpi pasi ka fjetur te halla. Një kamion ndalon: Mario, një djalë me të meta mendore, e bind atë ta ndjekë në fermën e tij. Alarmi jepet menjëherë, Marta është vetëm gjashtë vjeç. Në fshat mbërrin komisari Sanzio, një polic ekspert, i zhvendosur kohët e fundit në ato zona paksa të humbura. Kolegu i tij më i ri Siboldi, banues në ato lugina, bëhet udhërrëfyesi i tij edhe për të njohur lidhjet familjare dhe emocionale të komunitetit të vogël. Të dy, të shoqëruar nga Alfredo, një koleg besnik i Sanzio-s që nga koha kur punonin në sektorin e vrasjeve, do t’u duhet të qëndrojnë në fshat sepse një krim tjetër është gati të konsumohet; një krim i lindur sigurisht në gjirin e një prej familjeve të vendit, rezultat i një lidhje emocionale ose sentimentare. Të gjithë ata që Sanzio i takon dhe i pyet mund të jenë vrasësit potencialë. Komisari futet në këtë histori me pjesëmarrje të pazakontë, madje edhe familja e tij përshkohet nga një dhimbje e fortë që shkon paralel me atë të hetimit.