Instituti Italian i Kulturës ka kënaqësinë të mbështesë edicionin XIII të festivalit Vox Baroque me:
URLO MEDITERRANEO
Një shfaqje nga Lino Privitera
Urlo Mediterraneo është një produksion që ndërthur teatrin, kërcimin dhe muzikën live në një rrugëtim intensiv përmes kulturave, kujtimeve dhe kontradiktave të Mesdheut. Me ide dhe regji të Lino Privitera dhe nën drejtimin artistik të Jusuf Beshirit, shfaqja u jep zë historive, ëndrrave dhe plagëve të popujve që jetojnë ndanë këtij deti – një vend takimi, shkëmbimi dhe konflikti.
Përmes një gjuhe skenike ngacmuese dhe bashkëkohore, interpretuesit eksplorojnë tema me aktualitet të madh si migrimi, identiteti kulturor, bashkëjetesa mes popujve të ndryshëm, shpresa dhe qëndrueshmëria. Kërcimi, me lëvizje të rrjedhshme dhe ndonjëherë të trazuara, dialogon me muzikën dhe fjalën për të pasqyruar kompleksitetin e një rajoni që prej shekujsh shërben si një udhëkryq qytetërimesh.
Skena e thjeshtë dhe simbolike, e ndërthurur me një dramaturgji vizuale me ndikim të fortë emocional, e shoqëron publikun në një përvojë gjithëpërfshirëse që tejkalon interpretimin e thjeshtë artistik, duke u shndërruar në një reflektim universal mbi ndjenjën e përkatësisë, kujtesën kolektive dhe vlerën e dallimeve.
Me pjesëmarrjen e tre balerinëve dhe një aktoreje, Urlo Mediterraneo vjen si një kremtim poetik dhe fuqiplotë për Mesdheun bashkëkohor, sfidat dhe pasurinë e tij të jashtëzakonshme kulturore.
3.7.2026 ora 20:00
Muzeu Arkelogjik Durrës